دخپریدو نیټه :يکشنبه ۲۹ میزان ۱۳۹۷ ساعت ۱۸:۵۵
د مطلب کود : 172899
د بلخ پوليسو د مزارشريف په يوه جومات کې د ۴ کسانو مړي موندلي
د بلخ پوليسو د مرکز مزارشريف په يوه جومات کې د څلورو کسانو مړي پيدا کړي دي.
د بلخ د امنيه قوماندانۍ وياند شېرجان دُراني وويل، دغه کسان د وسله‎والو طالبانو له‎خوا په نهرشاهي ولسوالۍ کې وژل شوي او بيا يې مړي سيمې ته لېږدول شوي دي.
پوليسو تراوسه پورې نه‎دي ويلي چې وژل شوي کسان څوک دي؟ خو يوې سرچينې ازادي راډيو ته ويلي چې وژل شوي کسان په بلخ کې د ولسي جرګې د يوه کانديد څارونکي وو.
سرچينه وايي، دغه کسان د وسله‎والو طالبانو له‎خوا تېره شپه تښتول شوي او بيا وژل شوي دي.
د بلخ پوليسو ويلي چې د پېښې په اړه يې تحقيقات پيل کړي دي.
ذبيح الله مجاهد چې ځان د وسله والو طالبانو وياند معرفي کوي، ويلي چې په‎دې قضيه کې دوى لاس نه‎لري.
سرچينه : د صدای افغان خبری آژانس(آوا)
https://avapress.com/vdcb95b89rhbzwp.q3ur.html
تبصره پوسټ کړئ
ستاسو نوم
ستاسو دبرېښنا ليک پته