خوښ ديک ۰

چین ته هوایی دهلیز له لاری جلغوزیو صادرات پیل شول

د افغانستان او چین ترمنځ هوایي دهلېز نن رسماً د ولسمشر محمد اشرف غني له خوا پرانیستل شو.
چین ته هوایی دهلیز له لاری جلغوزیو صادرات پیل شول

له ارګه به خپره شوې خبرپاڼه کې راغلي، چې ولسمشر محمد اشرف غني نن سهار د دولتي مقاماتو په حضور کې د افغانستان – چین هوایي دهلېز پرانیست.
خبرپاڼه زیاتوي، چې د دغه دهلېز له لارې به په لومړي وار ۲۰ ټنه جلغوزي چین ته صادر شي.
ولسمشر غني وویل، چې د افغانستان پټو زېرمو لکه جلغوزیو، پستې او ځیرې ته به جدي پاملرنه کېږي او زیاته یې کړه چې هر کال به د لړم ۱۵مه نېټه د جلغوزیو د ملي ورځې په توګه نمانځل کېږي.
د ارګ ماڼی د معلوماتو له مخې، د افغانستان د جلغوزیو کلنی حاصل ۲۳ زره متریک ټنو ته رسېږي او له دې وروسته به نړېوالو بازارونو ته د افغانستان په نوم او نښان صادریږي.
ولسمشر محمد اشرف غني تر دې مخکې ویلي و، چې بهرنیان د افغان جلغوزیو له سوداګریزو معاملاتو څخه په کال ۱،۲ میلیارډه ډالره جوړوي.
ولسمشر غني د تېر میلادي کال په ډسمبر میاشت کې د ملي صنایعو په نندارتون کې د وینا پر مهال وویل چې د جلغوزیو د نننیو صادارتو بیه تر ۷۰۰ میلیونو ډالرو ته رسېږي.
خو د ولسمشر غني په وینا، بهرني تاجران د افغانستان د جلغوزیو له سوداګریزو معامولاتو څخه په کال  تر ۱۲۰۰ میلیونه ډالره جوړوي.
 
سی شنبه ۱۵ عقرب ۱۳۹۷ ساعت ۱۶:۴۲
د مطلب کود: 173622 په کلپبورډ کې د خبر متن کاپی
ستاسو نوم

ستاسو دبرېښنا ليک پته
ستاسو نظر *