کد QR مطلبدریافت صفحه با کد QR

ولسمشر غنی: سالنګ د بیا رغولو له امله وتړل شو

19 عقرب 1397 ساعت 14:28

ولسمشر محمد اشرف غني وایي سالنګ به د بیارغاونې له امله وتړل شي او بدیله لاره به یې دوشي ــ بامیان او پروان ــ بامیان وي.



نوموړی دغه څرګندونې تېره ورځ د بامیان ولایت له نظامي او امنیتي چارواکو سره د کتنې پر مهال وکړې.
د ارګ ماڼی له مخې، په بامیانو کې د سړک جوړولو د پروژو کار په چټکۍ سره جریان لري، خو د بامیانو اوسیدونکي د غوربند ــ جلرېز لوېې لارې په اږدو کې له امنیتي ستونزو سره مخ دي.
له ارګه په خپره شوې خبرپاڼه کې راغلي، چې امنیتي او دفاعي مسئولین څرګنده کړه، چې د بامیانواوسیدونکي د امنیتي او دفاعي ځواکونو بشپړ ملاتړ کوي او د دغه ولایت د سیمه‎‎ییزې ادارې او پولیسو ترمنځ همکاري او همغږي موجوده ده.
خبرپاڼه زیاتوي، چې ولسمشر غني د ملي دفاع وزارت لوی درستیز ته لارښوونه وکړه چې بامیانو ته د غځېدلو لارو امنیت ته دې پاملرنه وکړي او ټینګار یې وکړ د بامیانو اوسیدونکي او سوداګر باید په تګ او راتګ کې خوندي وي.
هغه زیاته کړه، سالنګ به د بیارغاونې له امله وتړل شي او بدیله لاره به یې دوشي ــ بامیان او پروان ــ بامیان به وي، له همدې امله لویې لارې له ځانګړي امنیت څخه برخمنې دي.
 


د مطلب کود: 173772

دمطلب پته :
https://www.avapress.com/ps/news/173772/ولسمشر-غنی-سالنګ-د-بیا-رغولو-له-امله-وتړل-شو

آوا
  https://www.avapress.com