کد QR مطلبدریافت صفحه با کد QR

زلمي خلیلزاد: هیله ده ولسمشریز ټاکنو پورې طالبانو سره سولې موافقه وشی

27 عقرب 1397 ساعت 18:55

د افغانستان د سولې او پخلاینې لپاره د امریکا د متحده ایالتونو ځانګړی استازي زلمي خلیلزاد وایي، دی هیله مند دی چې د ولسمشریزو ټاکنو پورې له طالبانو سره د سولې په اړه موافقه وشي.



نوموړی نن په پلازمېنه کابل ښار کې له خبریالانو سره د مرکې پر مهال د سولې د بهیر په اړه په محتاطانه ډول خوشبیني وښود او وې ویل چې، دی هیله مند دی چې د راتلونکې اپرېل تر میاشتې پورې له وسله والو طلبانو سره د سولې پر سر وروستي هوکړې ته ورسېږي.
بلخوا لوېدیځو خبرې اژانسو د باخبرو سرچینو په حواله راپور ورکړي، چې ښاغلي خلیلزاد قطر ته د خپل وروستي سفر په ترڅ کې له طالب مشرانو سره درې ورځې پر له پسې غوندې کړي دي.
په دغو غونډو کې د طالبانو سیاسي استازي خیرالله خیرخوا او محمد فاضل هم ګډون کړی و.
د راپورونو له مخې، د غونډې په ترڅ کې طالب مشرانو د راتلونکو ولسمشریزو ټاکنو د ځنډېدو او د یوه موقت حکومت د جوړېدو غوښتنې کړي دي.
د افغانستان جمهوري ریاست دفتر یا ارګ ماڼی تېره اوونی وویل، چې ښاغلي خلیلزاد جمهور رئیس ته د افغانانو په مالکیت او مدیریت د سولې د هلو ځلو لپاره د سیمې ځینوهېوادونو ته د بیا ځلي سفرونو او برنامو په اړه معلومات ورکړل او  وې ویل، چې له دغو سفرونو وروسته به کابل ته د راتګ پرمهال د خپلو سفرونو د پایلو راپور له جمهور رئیس سره شریک کړي.
 


د مطلب کود: 174304

دمطلب پته :
https://www.avapress.com/ps/news/174304/زلمي-خلیلزاد-هیله-ده-ولسمشریز-ټاکنو-پورې-طالبانو-سره-سولې-موافقه-وشی

آوا
  https://www.avapress.com