خوښ ديک ۰

ننګرهار کې د عملیاتو پر مهال تر ۵۰ زیات داعشیان وژل شوي دي

د تيرې يوې اوونۍ په ترڅ کې ۵۱ داعش وسله وال وژل شوي او د دوی د روزنې او چمتووالي يو شمېر مرکزونه له منځه وړل شوي دي.
ننګرهار کې د عملیاتو پر مهال تر ۵۰ زیات داعشیان وژل شوي دي
د ننګرهار ولایت ځایي چارواکي وایي د دغه ولایت هسکې مېنه ولسوالۍ کې د افغان ځواکونو د پيل شويو عملياتو پر مهال د تيرې يوې اوونۍ په ترڅ کې ۵۱ داعش وسله وال وژل شوي او د دوی د روزنې او چمتووالي يو شمېر مرکزونه له منځه وړل شوي دي.
د ننګرهار ولایت د رسنیو څانګې په یوه خپره شوې خبرپاڼه کې ویلي چې په ختيځ کې د ۲۰۱ سيلاب قل اردو مسئولینو د معلوماتو له مخې په هسکې مېنې ولسوالۍ کې د تيرې يوې اوونۍ راهيسې د داعش وسله والو له منځه وړلو په موخه په چټکۍ سره عملیات دوام لري، چې تر دې مهاله د مهمو قومندانانو په ګډون ۵۱ داعش وسله وال وژل شوي دي.
همدا راز د دوی د روزنې او چمتووالي يو شمېر مرکزونه، وسلې او مهمات يې لمنځه وړل شوي او يو شمېر سيمې چې دوی په کې فعاليت درلود ترې پاکې شوي دي.
په ياده ولسوالۍ کې د افغان ځواکونو عمليات په برياليتوب سره دوام لري او د عملياتو پرمهال ملکي وګړو او امنيتي مسئولينو ته کوم زيان ندی اوښتی.
سی شنبه ۲۹ عقرب ۱۳۹۷ ساعت ۱۳:۰۷
د مطلب کود: 174371 په کلپبورډ کې د خبر متن کاپی
ستاسو نوم

ستاسو دبرېښنا ليک پته
ستاسو نظر *