په افغانستان کې د ناټو او امریکايي ځواکونو عمومي قوماندان جنرال سکاټ مېلر نن له غرمې مخکې غزنی ته تللی دی.
دخپریدو نیټه :چهارشنبه ۳۰ عقرب ۱۳۹۷ ساعت ۱۲:۴۶
د مطلب کود : 174448
د غزني ولایت مقام په خپله فیسبوک پاڼه دغه خبره لیکلې ده.
جنرال سکاټ مېلر د غزني له والي وحیدالله کلیمزي او نورو چارواکو سره لیدلي دي.
د غزني ولایت مقام تر اوسه د دوی د لیدنې زیات جزئیات نهدي ورکړي، خو سکاټ مېلر داسې وخت غزني ته تللی چې د دغه ولایت په جاغوري او مالستان ولسوالیو وسله والو طالبانو ګڼ بریدونه کړي او لسګونه کسانو ته مرګژوبله اوښتې ده.
دا لومړی وار دی چې په افغانستان کې د ناټو او امریکايي ځواکونو عمومي قوماندان جنرال سکاټ مېلر غزني ته تللی دی.
له ښاغلي مېلر سره پهدې سفر کې د افغان پوځ د خاصو ځواکونو عمومي قوماندان جنرال بسم الله وزیري هم مل دی.
سرچينه : د صدای افغان خبری آژانس(آوا)
avapress.com/vdcdoo0fjyt05o6.lb2y.html
ټګونه
ډیری لیدل شوي
