خوښ ديک ۰

امنیتی ځواکونو او دفاعی ځواکونو کابل ښار پرونی برید په اړه ولسمشر اشرف غنی ته راپور وړاندې کړ

د افغانستان جمهوري ریاست دفتر وایي امنیتي او دفاعي چارواکو د کابل ښار د پرونی برید په اړه راپور ولسمشر محمد اشرف غني ته وړاندې کړ.
امنیتی ځواکونو او دفاعی ځواکونو کابل ښار پرونی برید په اړه ولسمشر اشرف غنی ته راپور وړاندې کړ

له ارګه په خپره شوې خبرپاڼه کې راغلي، چې د ولسمشر غني مشرۍ د وسله‌وال پوځ اعلی سرقومندانۍ غونډه نن له غرمې مخکې په ګلخانې ماڼۍ کې جوړه شوه، چې په ترڅ کې یې د هېواد د امنیتي او دفاعي ارګانونو مسوولینو د کابل په اورانوس هوټل کې د مولود شریف د نمانځنې پر مراسمو د تېرې شپې ترسره شوي تروریستي برید په اړه راپور وړاندې کړ.
ارګ ماڼی په دې اړه نور جزئیات نه دي ورکړي خو ویلي یې دي چې غونډې پرېکړه وکړه چې د قربانیانو کورنیو سره د غمشریکۍ لپاره دې د جمهوري ریاست د چارو ادارې او علماو سراسري شورا ګډ پلاوی واستول شي او د چارو اداري عمومي ریاست او بېړنیو حالاتو کمېټې د رسېدنې ټیم دې د یادې پېښې د شهیدانو او ټپیانو کورنیو سره لازمې مرستې وکړي.
د ارګ ماڼی له مخې، دغه راز په دې غونډه کې د ملي دفاع وزارت لوی درستیز سترجنرال محمدشریف یفتلي د غزني د جاغوري او مالستان ولسوالیو د امنیتي وضعیت په اړه راپور وړاندې کړ وې ویل، وضعیت تر کنټرول لاندې دی او په یادو سیمو کې د مېشتو امنیتي او دفاعي ځواکونو د اکمال په خاطر لازم اقدامات شوي دي.
خبرپاڼه زیاتوي، چې د وسله‎وال پوځ اعلی سرقومندانۍ غونډې د قرقین او بلخاب ولسوالیو امنیتي وضعیت هم وارزولو او د امنیتي او دفاعي ځواکونو مسوولینو ته یې لارښوونه وکړه چې په یادو ولسوالیو کې دې مېشتو ځواکونو ته د اکمالاتو له اړخه زیاته پاملرنه وکړي.
 
چهارشنبه ۳۰ عقرب ۱۳۹۷ ساعت ۲۰:۴۶
د مطلب کود: 174487 په کلپبورډ کې د خبر متن کاپی
ستاسو نوم

ستاسو دبرېښنا ليک پته
ستاسو نظر *