خوښ ديک ۰

کمانډو ځواکونو کندز ولایت دشت ارچي ولسوالی کې طالبانو پر مواضعو باندی برید کړي

د افغانستان په شمال کې افغان پوځ وایي د ملي اردو ځانګړو کمانډو ځواکونو د کندز ولایت په دشت ارچي ولسوالی کې د طالبانو پر مواضعو یرغلیز بریدونه کړي، چې په امله یې تر دا مهاله شاوخوا ۲۰ وسله والو ته مرګ ژوبله اوښتې ده.
کمانډو ځواکونو کندز ولایت دشت ارچي ولسوالی کې طالبانو پر مواضعو باندی برید کړي

په شمال کې د ۲۰۹ شاهین قول اردو په یوه بیان کې ویلي، چې کمانډو ځواکونو د هوایي او توپچي قواوو په ملاتړ د دشت ارچي ولسوالی د قرلق په ساحاتو کې د وسله والو طالبانو پر مواضعو یرغلیز بریدونه پیل کړي، چې په ترڅ کې یې ۱۳ وسله وال وژل شوي.
خبرپاڼه زیاتوي، چې په دغو عملیاتو کې لږ تر لږه ۷ وسله وال ټپيان هم شوي دي.
د کمانډو ځواکونو د لسم کنډک قوماندان ډګرمن محمد علي وایي د وسله والو ترهګرو د پټنځایونو د لمنځه وړلو او د جنګیالیو د ځپلو په موخه په دشت ارچي ولسوالی کې یرغلیز عملیات شوي چې د یادې ولسوالی تر بشپړې تصفیې پورې به دوام وکړي.
د یادونې وړ ده چې د افغانستان د ملي امنیت شورا دفتر تېره اوونی وویل، چې د ملي امنیت شورا دفتر له اړوندو ارګانونو غوښتي، چې د خلکو د ژوند خوندیتوب او د هېواد د امنیتي او دفاعي ځواکونو د تلفاتو د کموالي په موخه، ټول هېواد کې پر دښمن خپلو بریدونو ته زور ورکړي.
 
پنجشنبه ۱ قوس ۱۳۹۷ ساعت ۱۵:۵۰
د مطلب کود: 174553 په کلپبورډ کې د خبر متن کاپی
ستاسو نوم

ستاسو دبرېښنا ليک پته
ستاسو نظر *