کد QR مطلبدریافت صفحه با کد QR

پاکستان کې چین قونسلګری باندی ډله ایز برید

2 قوس 1397 ساعت 19:39

د پاکستان په کراچي ښار کې د چین حکومت پر قونسګلری ډلیییز برید شوی چې په پایله کې یې لږ تر لږه شپږو کسانو ته مرګ ژوبله اوښتې ده.



د کراچي په سویل کې د پولیسو مرستیال مشر جاوید علم اودهو رسنیو ته ویلي، چې د برید په ترڅ کې د پولیسو دوه سرتېري وژل شوي او د چین قونسلګری یو ساتونکی ټپي شوی دی.
نوموړی زیاته کړه، چې درې تنه ځانمرګي بریدګر چې غوښتل یې د چین قونسلګری ودانی ته ننوځي د پولیسو له خوا په ډزو وژل شوي دي.
بلخوا عیني شاهدان وایي، چې د پیښې له ځایه د چاودنې او د ډزو غږونه هم اورېدل شوي دي.
د کراچي امنیتي چارواکي وایي د عملیاتو په پایله کې نهه لاسي بمونه، د کلاشنکوف مرمی، شاژورونه او چاودېدونکي توکې د امنیتي ځواکونو لاس ته ورغلي دي او د نښتې په ترڅ کې یې د قونسګلری کارکوونکو ته زیان نه دی رسیدلی.
تر اوسه کوم چا یا ډله د برید مسئولیت په غاړه نه دی اخیستی.
 


د مطلب کود: 174587

دمطلب پته :
https://www.avapress.com/ps/news/174587/پاکستان-کې-چین-قونسلګری-باندی-ډله-ایز-برید

آوا
  https://www.avapress.com