خوښ ديک ۰

ولسمشر غني د جنېوا کنفراسن لپاره سویس ته ولاړ

د افغانستان د جمهوري ریاست دفتر وایي، افغان ولسمشرمحمد اشرف غني د جنېوا کنفرانس لپاره سویس ته ولاړ.
ولسمشر غني د جنېوا کنفراسن لپاره سویس ته ولاړ

له ارګه په خپره شوې خبرپانه کې راغلي، چې د افغانستان د اسلامي جمهوریت جمهوررئيس محمد اشرف غني د یوه لوړپوړي دولتي پلاوي په مشرۍ د جنېوا په کنفزانس کې د ګ‌‌‌‌‌‌ډون په موخه سویس ته ولاړ.
خبرپاڼه زیاتوي، چې جمهوررئيس غني به ددغه سفر په ترڅ کې د کنفرانس په عمومي غون‌‌‌‌‌‌ډه کې د ګ‌‌‌‌‌‌ډون او وینا ترڅنګ د ګ‌‌‌‌‌‌ډون کونکو هېوادونو له مقاماتو سره دوه اړخیزې کتنې ولري.
ټاکل شوې چې د افغانستان په اړه د جنېوا دغه دوه ورځنی کنفرانس سبا سې شنبې پرانیستل شي.
د راپورونو له مخې، په دغه کنفرانس کې به د سیمې او نړۍ یوشمېرهېوادونه او څو نړیوال سازمانونه ګډون وکړي.
ویل کېږي چې په دغه کنفرانس کې به د افغانستان په اړه د افغان حکومت او نړیوالې ټولنې ژمنې وارزول شي.
د ارګ ماڼی چارواکو تر دې مخکې ویلي و، چې په دغه کنفرانس له ولس او نړیوالې ټولنې سره د حکومت ژمنې او همداراز له افغانستان سره یې د نړیوالې ټولنې ژمنې ارزول کېږي.
 
سرچينه : د صدای افغان خبری آژانس(آوا)
دوشنبه ۵ قوس ۱۳۹۷ ساعت ۱۰:۱۹
د مطلب کود: 174756 په کلپبورډ کې د خبر متن کاپی
ستاسو نوم

ستاسو دبرېښنا ليک پته
ستاسو نظر *