د افغانستان د برښنا شرکت رئیس وايي، په هېواد کې د برښنا غېر معیاري سېستم او د ظرفیت کموالی د دې لامل شوی چې پرچاوي زیاته شي.

د افغانستان د برښنا شرکت رئیس وايي، د افغانستان د برښنا سېستم له همغه پیله په غیر معیاري ډول جوړ شوی چې دوی ته يې ستونزې زېږولي دي.
امان الله غالب د دوشنبې په ورځ د ولسي جرګې په استجوابیه غونډه کې وویل چې د هېواد د برښنا سېستم د خلکو اړتیاو ته په کتو نه دی جوړ شوی، ځکه د ده خبره، دغه سېستم د ۳۰۰ يا ۴۰۰ میګاواټه ظرفیت لپاره ډيزاین شوی و، حال دا چې يوازې کابل تر ۶۰۰ میګاواټه پورې برښنا ته اړتیا لري.