خوښ ديک ۰

فوتبال فدراسیون پر ښځینه غړیو د فزیکي او جنسي ځورونې تورونه رد کړل

د افغانستان فوتبال فدراسیون هغه راپورونه رد کړل، چې ګویا د فوتبال ښځینه ملي لوبډلې غړي له فزیکي او جنسي ځورونې سره مخ دي.
فوتبال فدراسیون پر ښځینه غړیو د فزیکي او جنسي ځورونې تورونه رد کړل

په وروستیو کې ګاردین ورځپاڼې د افغانستان د ښځینه فوتبال ملي لوبډلې د ځینو پخوانیو غړیو له خولې ویلي، د دې لوبډلې غړي له جنسي ځورونې سره مخ دي.
د افغانستان د فوتبال فدراسیون سرمنشي وایي؛ د ګاردین ورځپاڼې دغه تورونه بې بنسټه دي او دغه ادعا د یو شمېر کسانو لخوا واردیږي، چې د نجونو فوتبال لوبډلې له غړیتوب بې برخې شوي دي.
د فوتبال فدراسیون سکرترجنرال خبرداری ورکړ، چې د فساد دوسیه به په جدي توګه وڅېړل شي.
د ګاردین ورځپاڼې دغه راپور به له افغان نجونو څخه د لوبو فرصتونه واخلي.
د افغانستان فوتبال فدراسیون سکرتر جنرال سید علي رضا آقا زاده وایي: له ګاردین سره مرکه کوونکي هغه کسان دي، چې په تېرو کې د فوتبال فدراسیون غړي وه او له مدیریتي پستونو ګوښه شوي؛ نو، دا اوازې یې خپرې کړې دي.
حکومت تر دې دمه په دې اړه څه ندي ویلي.
د افغانستان د نجونو فوتبال ملي لوبډله هم دغه تورونه بې بنسټه بولي او وایي، چې دغه راپور به په جدي توګه وڅېړل شي.
خبریال: عبدالله انوري
 
سرچينه : اریانا نیوز
شنبی ۱۰ قوس ۱۳۹۷ ساعت ۱۹:۰۹
د مطلب کود: 175071 په کلپبورډ کې د خبر متن کاپی
ستاسو نوم

ستاسو دبرېښنا ليک پته
ستاسو نظر *