خوښ ديک ۰

هلمند کې د طالبانو یوه زندانه څه باندې ۱۱ کسان ژغورل شوي

افغان ځانګړو ځواکونو د هلمند ولایت په سنګین ولسوالی کې څه باندې ۱۱ کسان د طالبانو له یوه زندانه ژغورلي دي.
هلمند کې د طالبانو یوه زندانه څه باندې ۱۱ کسان ژغورل شوي

په جنوب کې د ملي پوځ ۲۱۵ میوند قول اردو په یوه بیان کې ویلي، چې د پوځ ځانګړو ځواکونو وړمه شپه د سنګین ولسوالی په مربوطاتو کې عملیات ترسره کړي، چې په ترڅ کې یې ۱۱ کسان د طالبانو له یوه زندانه ژغورل شوي.
خبرپاڼه زیاتوي، چې د عملیاتو په ترڅ کې یې ځانګړو ځواکونو او ملکي وګړو ته مرګ ژوبله نه ده اوښتې.
په همدې حال کې د پوځ یوه سرچینه وایي، په دې عملیات کې د دولت ضد درې تنه وسله وال وژل شوي دي.
د وسله والو طالبانو په ګډون د دولت ضد وسله والې ډلې تر اوسه په دې اړه څه نه دي ویلي.
هلمند د افغانستان په جنوب کې په تیرو څو کلونو کې له نسبتا نا امنو ولایتونو څخه شمیرل کیده، خو په وروستیو کې یې امنیتي وضعیت ډیر خراب شوی دی.
د هلمند ولای په یو شمېر لرو پرتو سیمو کې اوس هم کله ناکله امنيتي پيښې رامنځته کیږي.
 
شنبی ۱۷ قوس ۱۳۹۷ ساعت ۱۶:۴۲
د مطلب کود: 175513 په کلپبورډ کې د خبر متن کاپی
ستاسو نوم

ستاسو دبرېښنا ليک پته
ستاسو نظر *