کد QR مطلبدریافت صفحه با کد QR

د پاکستان د بهرنیو چارو وزیر کابل ته راځي

د صدای افغان خبری آژانس(آوا) , 18 قوس 1397 ساعت 12:22

د پاکستان د بهرنیو چارو وزیر له افغان چارواکو سره د سولې په اړه د خبرو لپاره شاخوا درې میاشتې وړاندې هم کابل ته سفر کړی و.



د راپورونو له مخې، د پاکستان د بهرنیو چارو وزیر شاه محمد قریشي راتلونکی اونی کابل ته راځي.
ښاغلي قریشي د پاکستان په ملتان ښار کې یوې غونډې ته وویل، چې اسلام اباد د افغانانو په مشری او مالکیت د سولې د خبرو پیل په موخه د افغانان حکومت د ارادې ملاړ ته ژمن دی.
د پاکستان د بهرنیو چارو وزیر له افغان چارواکو سره د سولې په اړه د خبرو لپاره شاخوا درې میاشتې وړاندې هم کابل ته سفر کړی و.
دا په داسې حال کې ده چې د افغانستان د سولې لپاره د امریکا متحده ایالتونو ځانګړی استازی زلمي خلیلزاد تېره اونی پاکستان ته د خپل سفر په ترڅ د دې هېواد له لومړی وزیر عمران خان سره وکتل.
د پاکستان د لومړی وزیر دفتر په یوه بیان کې ویلي، چې د پاکستان لومړی وزیر عمران خان د افغانستان د سولې لپاره د امریکا د بهرنیو چارو وزارت له ځانګړی استازی زلمي خلیلزاد سره کتلي دي.
په خبرپاڼه کې د ښاغلي عمران خان په حواله راغلي، چې په افغانستان کې سوله د پاکستان په ګټه ده.
د پاکستان د بهرنیو چارو وزارت له دې وړاندې ویلي و، چې د امریکا متحده ایالتونو ولسمشر ډونالډ ټرمپ لومړی وزیر عمران خان ته یو لیک استولی او په افغانستان کې د موجودو ستونزو په هوارولو کې یې د اسلام اباد د ملاتړ غوښتنه کړې ده.
 


د مطلب کود: 175571

دمطلب پته :
https://www.avapress.com/ps/news/175571/د-پاکستان-بهرنیو-چارو-وزیر-کابل-ته-راځي

آوا
  https://www.avapress.com