خوښ ديک ۰

د کونړ په هوایي عملیاتو کې "٢٠ملکي وگړي وژل شوي"

د رویترز اژانس د کونړ ولایت د محلي مقاماتو له قوله ویلي دي چې د دغه ولایت د شلتن ولسوالۍ په عملیاتو کې لږ تر لږه ٢٠ تنه ملکي وگړي وژل شوي دي.
د کونړ په هوایي عملیاتو کې "٢٠ملکي وگړي وژل شوي"

د کونړ د ولایتي شورا غړي عبدالطیف فضلي رویترز اژانس ته ویلي چې په عملیاتو کې اته ښځې او ١٢ ماشومان وژل شوي دي او د هغه په وینا ١٥ تنه نور ملکي وگړي ټپیان شوي دي.
تیره ورځ افغان امنیتي قواو د امریکا غږ ته ویلي وو چې د افغانستان د ملي امنیت ځانګړو ځواکونو د جمعې په شپه د کونړ ولایت د شلتن ولسوالۍ په سونو کلي کې د وسله والو مخالفینو پرضد شپني عملیات کړي وو چې د دوی په وینا په کې د القاعده او طالبانو نژدې ۴٠ تنه جنگیالي وژل شوي دي.
د رویترز اژانس د کونړ د والي عبدالستار میرزکوال له خولې لیکلي چې پدغو عملیاتو کې د القاعده شبکې څلور غړي، ابوحمزه، عمرالبدر، یاسین، عاصم او همداشان د وسله والو طالبانو د مشهور قوماندان شریف معاویه په ګډون ٣٨ تنه وسله وال وژل شوي او ۱۲ ټپیان دي.
ښاغلی میرزکوال وایي "مونږ پدې خبر یو چې پدغه عملیاتو کې د ماشومانو او ښځو په گډون څو تنه ملکي وگړي وژل شوي دي". هغه زیاتوي چې د پیښې د څیړنې لپاره یې سیمې ته پلاوی لېږلی دی.
د ناټو د قاطع ماموریت یوې ویاندې ویلي چې د کونړ ددغې پیښې پر وخت هوایي حملې دغه ماموریت ندي کړي، خو د افغانستان د دفاع وزارت ددغې پیښې په هکله سمدستي کومه تبصره نده کړې.
 
سرچينه : د صدای افغان خبری آژانس(آوا)
شنبی ۲۴ قوس ۱۳۹۷ ساعت ۲۰:۱۸
د مطلب کود: 175996 په کلپبورډ کې د خبر متن کاپی
ستاسو نوم

ستاسو دبرېښنا ليک پته
ستاسو نظر *