په فاریاب کې د طالبانو له شتون ۲۰ کلي پاک شول

د صدای افغان خبری آژانس(آوا) , 25 قوس 1397 ساعت 17:18

د فاریاب ولایت چارواکو ویلي، چې د ایثار ۱۰ عملیاتو په پایله کې د دې ولایت د اندخوی او قرغان ولسوالیو ۲۰ لول او واړه کلي د وسلوالو مخالفانو له شتون پاک او وپلټل شول.



د فاریاب ولایت د امنیه قومندانۍ ویاند کریم یورش ویلي، چې وسلوالو مخالفانو له جګړې پرته دغه کلي خوشې کړي او ښکېلو خواوو ته په دې برید کې ځاني زیان نه دی رسیدلی.
د یورش د څرګندونو له مخې؛ د دغه ولایت د خواجه سبزپوش د اړوند ولسوالۍ په شباختو کلي کې پر هوایي بریدونو د طالب سرګروپ نجیب الله لورکوز په ګډون ۸ طالبان وژل شوي او دغې ولسوالۍ ته د نومول شوی طالب ولسوال قاري عبدالوکیل متوکل په ګډون ۲ نور طالبان ټپیان دي.
طالبانو د دواړو پېښو په اړه تر دې دمه رسنیو ته څه ندي ویلي.
 


د مطلب کود: 176053

دمطلب پته: https://www.avapress.com/ps/news/176053/په-فاریاب-کې-د-طالبانو-له-شتون-۲۰-کلي-پاک-شول

آوا
  https://www.avapress.com