خوښ ديک ۰

اندونیزیا کې څونامې له امله لږترلږه ۱۶۸ تنه مړه شوی دي

د اندونیزیا په یوه ټاپو کې د اتشفشان په نتیجه کې د څونامې څپو لږترلږه ۱۶۸ تنه مړه کړي او شااوخوا ۷۵۰ نور ژوبل دي.
اندونیزیا کې څونامې له امله لږترلږه ۱۶۸ تنه مړه شوی دي

چارواکو ویلي چې دېرش تنه تراوسه تری تم دي.
د اندونیزیا د طبیعي پېښو د کنټرول د ادارې یوه چارواکي وویل، باور کېږي چې د مرګ ژوبلو شمېر به تر دې ډېر وي، ځکه چې د دوی مامورین لا هم د تلفاتو او زیانونو په اړه معلومات راټولوي.
د اندونیزیا د هواپېژندنې او جیولوژۍ په اداره کې ساینسپوهان په دې باور دي چې د انک کراکاتاو تر ټاپو لاندې اتشفشان به د څونامې سبب شوی وي چې له امله یې د اوبو څپو په دغه ټاپو کې سلګونه کورونه، هوټلونه او دولتي دفترونه لاندې کړل.
چارواکي وايي، له اتشفشانه ۲۴ دقیقې وروسته څونامې راغله.
د سږکال په سپټمبر کې د اندونیزیا په پالو ښار او سولاویسي ټاپو کې د څونامې او زلزلې له کبله تر دوه نیم زره زیات خلک مړه شول.
 
یکشنبه ۲ جدی ۱۳۹۷ ساعت ۱۶:۳۴
د مطلب کود: 176462 په کلپبورډ کې د خبر متن کاپی
ستاسو نوم

ستاسو دبرېښنا ليک پته
ستاسو نظر *