کد QR مطلبدریافت صفحه با کد QR

د ولسي جرګې لخوا د ۱۳۹۸ مالي کال ملي بودیجه د رایو په اکثریت سره تصویب شوه

د صدای افغان خبری آژانس(آوا) , 10 جدی 1397 ساعت 17:45

د ۱۳۹۸ مالي کال د ملي بودیجې سند نن د مرغومې میاشتې په ۱۰ مه نېټه په ولسي جرګه کې د خلکو محترمو استازو لخوا د مالیې وزارت سرپرست او د زیربناء په چارو د ولسمشرۍ عالي مقام ستر سلاکار ښاغلي ډاکټر محمد همایون قیومي په شتون کې د رایو په اکثریت سره تصویب شوه.


د ۱۳۹۸ مالي کال ملي بودیجه په ټوله ۳۹۹ میلیارده افغانۍ ده چې ۲۷۵ میلیارده یې عادي او ۱۲۴ میلیارده افغانۍ یې پراختیایې بودیجه جوړوي.
په ۱۳۹۸ مالي کال د ملي بودیجې په سند کې د حکومت لوړیتوبونه د امنیت، زیربناء، پوهنې، حکومتدارۍ، کرنې او د کلیو پراختیا په برخو کې ده چې په ترتیب سره ۴۱ سلنه، ۱۴ سلنه، ۱۳ سلنه، ۹ سلنه او ۸ سلنه ملي بودیجه یې ځانګړې کړې ده.
همداشان د ۱۳۹۸مالي کال ملي بودیجه ۴۹ سلنه د کورنیو سرچینو او پاتې ۵۱ سلنه یې د بهرنیو سرچینو څخه تمویلیږي.
د مالیې وزارت رهبرۍ د ولسي جرګې محترمو استازو څخه په خپل وخت سره د ملي بودیجې د تصویب له کبله مننه کوي
 


د مطلب کود: 176939

دمطلب پته :
https://www.avapress.com/ps/news/176939/د-ولسي-جرګې-لخوا-۱۳۹۸-مالي-کال-ملي-بودیجه-رایو-په-اکثریت-سره-تصویب-شوه

آوا
  https://www.avapress.com