د تیرو لسو ورځو په لړ کې د غزني ولایت د ده یک ولسوالۍ او مرکز په اړوندو کې د وسله والو طالبانو لخوا د لارو په اوږدو کې د ځای پر ځای شویو ماینونو د چاودنو له کبله د ښځو او ماشومانو په ګډون (۱۹) ملکي کسانو ته مرګ ژوبله اوښتي ده.

یادي پیښي د رواني مرغومي میاشتي په ۲ مه، ۴ مه، ۷ مه او ۹ مه نیټه د غزني ولایت د ده یک ولسوالۍ په شاخوګ او دري نوري یې هم د مرکز اړوند له ده یک او اندړو ولسوالۍ سره پر پوله په آرزو سیمه کې رامنځته شوي دي، چې په ترڅ کې یې د دوو ښځو او دوو ماشومانو په ګډون (۱۳) ملکي کسان شهیدان او د یوه ماشوم په ګډون (۶) تنه ټپیان شوي دي.
د دولت وسله وال مخالفین چې له افغان امنیتي ځواکونو سره د مخامخ مقابلي توان نلري، تل یې له هستوګنیزو سیمو د سنګر په توګه کار اخیستی او پر لویو لارو یې د ماینونو په ځای پر ځای کولو سره ملکي کسانو ته په لوی لاس مالي او ځاني زیانونه اړولي، خو افغان ځواکونه سره له دي چې د عملیاتونو پر مهال ورته تلفات اوښتي په هستوګنیزو سیمو کې یې د ملکي کسانو د مصئونیت له کبله د وسله والو پر ضد له پوځي اقداماتو څخه کار ندی اخیستی.