خوښ ديک ۰

عبیدالله بارکزي پر اسدالله خالد لګیدلي تورونه رد کړ

وروسته له هغې چې د بشري حقونو نړیوال سازمان د افغانستان د دفاع وزارت سرپرست اسدالله خالد د بشري حقونو سرغړونکی وګڼلو او له افغان حکومت سره له نړیوالو مرسته کوونکو هېوادنو نه یې وغوښتل چې د نوموړي په محاکمه کولو کې مرسته وکړي، د افغانستان د ولسي جرګې د شکایتونو د اورېدلو کمېسیون خپل د انتقاد غږ پورته کوي.
عبیدالله بارکزي پر اسدالله خالد لګیدلي تورونه رد کړ


د دغه کمېسیون رئیس عبیدالله بارکزي د  سره په خبرو کې په ښاغلي خالد لګېدلي تورونه رد کړل او نوموړی یې پر هېواد میین یو ملي شخصیت یاد کړ.

نوموړي زیاته کړه:
"کاملاً یې ردوو، د دوی دا فیصله، د افغانستان د خلکو د ملي ګټو پرضد ده، د افغانستان د خلکو د سرنوشت پر ضد ده، د استقلالیت پرضد ده."
ښاغلی بارکزی وايي، د ملي وحدت په حکومت کې داسې څېرې ډېرې دي چې بشري ضد جرمونو یې ښکاره او ټولو ته معلوم دي، د بشري حقونو نړیوال سازمان ولې د هغوی په اړه دا خبره نه‌کوي؟
دا انتفادونه او پوښتنې داسې مهال څرګندېږي چې د بشري حقونو نړیوال سازمان پرون په یو راپور کې د افغانستان د دفاع وزارت سرپرست اسدالله خالد د بشري حقونو سرغړونکی بللی او ویلي یې دي چې نوموړي په کندهار کې د ولایت پرمهال شخصي بنديخانې درلودې او خلک یې ځورول.
په راپور کې راغلي چې اسدالله خالد د قربانیانو کورنۍ ګواښلې وې او ورته یې ویلي و، که په‌دې اړه څه ووايي وبه یې وژني.
د بشري حقونو نړیوال سازمان په‌دغه راپور کې ویلي چې افغان حکومت د ښاغلي خالد د محاکمې اراده نه‌لري او افغان حکومت سره له مرسته کوونکو هېوادونو یې غوښتي چې د نوموړي په محاکمه کولو کې مرسته وکړي.
په راپور کې وړاندې راغلي چې د امریکا متحده ایالات او کاناډا د دغه هېوادونو د قوانینو له مخې قانون ته د اسدالله خالد د سپارلو توان لري او ورڅخه غوښتي یې دي چې په‌دې برخه کې لاس په‌کار شي.
د بشري حقونو نړیوال سازمان دغه شان له اروپايي ټولنې هم غوښتي چې پر افغان حکومت جدي بندیزونه ولګوي او له دغه هېواد سره خپلې مرستې بندې کړي.
 
یکشنبه ۲۳ جدی ۱۳۹۷ ساعت ۱۷:۱۰
د مطلب کود: 177797 په کلپبورډ کې د خبر متن کاپی
ستاسو نوم

ستاسو دبرېښنا ليک پته
ستاسو نظر *