د افغانستان د سولې لپاره د امريکا د بهرنیو چارو وزارت د ځانګړی استازی زلمی خليلزاد نن کابل ته ورسېد. دا خبره په کابل کې د امريکا سفارت نن په خپره کړې اعلاميه کې کړې ده.
دخپریدو نیټه :سه شنبه ۲۵ جدی ۱۳۹۷ ساعت ۱۸:۴۱
د مطلب کود : 177938
اعلاميه وايي، ښاغلی خليلزاد به په کابل کې له ولسمشر محمد اشرف غني، اجرائيه رئیس عبدالله عبدالله او سياسي مشرانو سره د افغانستان د سولې پروسې د ملاتړ په هدف وويني.
تر دې مخکې ښاغلي خليلزاد چين ته سفر وکړ او هلته یې د دې هېواد له لوړپوړو چارواکو سره وکتل.
ده پر ټويټر په يوه پيغام کې له چینایي چارواکو سره خبرې ګټورې بللي او زیاته یې کړه چې دا چارواکي د دغو خبرو د بریالیتوب لپاره ژمن دي.
د امریکا د بهرنیو چارو وزارت تېره اوونۍ وويل چې د جنورۍ له اتمې نېټې به ښاغلی خليلزاد هندوستان، چین، پاکستان او افغانستان ته سفر ولري
avapress.com/vdcae0n6a49n0o1.hxk4.html
ډیری لیدل شوي
