د کليو بيارغونې او پراختيا وزارت د هېواد په ۱۱۴ ولسواليو کې څه باندې څلور زره غذايي بانکونه د خلکو لپاره د خلکو په مرسته جوړ کړي

  دا غذايي بانکونه چې د غله جاتو په نوم مشهور شوی، په دوو کالونو کې يي له ۱۴۰۰ ټنو زيات غله جات  د هېواد په بېلابېلو ولايتونو کې ۱۲۷۰۵ کورنيو ته وېشلي.  د کليو بيارغونې او پراختيا وزير  پوهنمل مجيب الرحمن کريمي وايي، چې د کليو بيارغونې او پراختيا وزارت د خلکو اړتياوو ته  په کتو او د خلکو په منځ کې د همکارۍ حس د پياوړي کولو او د لوږې د کمښت  په موخه يې   ۱۲۷۲۷ کمپاينونه  د عامه خلکو په مرسته کړي، چې ښې پايلې لري او په سبب  يې ۴۱۴۲  غذايي بانکونه جوړ شوي. ښاغلي کريمي وايي، چې د غذايي بانکونو  اهميت ته پام، خلکو په پخپله خوښه ۹۳ جريبه کرنيزه ځمکه غذايي بانکونو ته وقف کړې، چې  د دې ځمکې ټول حصلات  به غذايي بانکونو ته ورکول کېږي، د دې ترڅنګ د خلکو لخوا د دې بانکونو سره  د ۱ ميليونه ډالرو مرسته شوې.

 د کليو بيارغونې او پراختيا وزير وايي، چې  د فقر کچې د کمښت او ممکنه مرستې  په موخه د هېواد په ۹ ولايتونو کې  له هر غذايي بانک سره ۱۰۰۰ ډالره مرسته  شوي.

د يادونې وړ ده، چې د هېواد په ۱۱۴ ولسواليو کې غذايي بانکونه جوړ شوي، چې وزارت هڅه کوي د هېواد په  ټولو ولسواليو کې ورته بانکونه جوړ شي.