کد QR مطلبدریافت صفحه با کد QR

په فاریاب ولایت کې د طالبانو پنځو لوړپوړو قوماندانانو په ګډون دغې ډلې حکمې رئیس وژل شوی

4 دلو 1397 ساعت 16:43

نظامي چارواکي وایي، د افغانستان په شمال فاریاب ولایت کې یې د طالبانو د ۵ لوړپوړو قوماندانانو په ګډون د دغې ډلې د حکمې رئیس وژلی دی.



د افغانستان په شمال کې د شاهین ۲۰۹ قول اردو له لوري خپره شوې اعلامیه لیکي،” افغان امنیتي او ځانګړو ځواکونو د افغان او ائتلاف ځواکونو د هوایي ملاتړ په درلودلو سره پر دښمن مرګوني بریدونه کړي، په دغو بریدونو کې، د فاریاب ولایت د ولسوال مرستیال، د قیصار ولسوالۍ لپاره د دغې ډلې د محکمې رئیس، او د ۵ شمالي ولایتونو لپاره د طالبانو مالي مسئول له ۵۶ نورو تروریستانو سره وژل شوی دی”.
اعلامیه زیاتوي چې دغه عملیات پرون چهارشنبه د سلواغې په ۳ مه د افغان ځمکنیو او ائتلافي هوایي ځواکونو له خوا د سم کورډیناټ له مخې، د فاریاب ولایت د قیصار ولسوالۍ په چنا ر شاخ، خواجه زیارتګاه، غوره ها او د ترکمنانو په سید آباد سیمو کې ترسره شوي دی.
اعلامیه لیکي، دغه عملیات د ځمکې او هوا له لارې د دښمن په ځالو او پټنځایونو ترسره شول چې په پایله کې یې د طالبانو نومول شوی د قیصار ولسوالۍ مرستیال مولوي خان اغا، مولوي ګندم علي د شمال زون د پنځو ولایتونو مالیاتي مسول، مولوي حفیظ الله په یاد ولایت کې د دغې ډلې د محکمې رئیس او د وسله والو یو سیمه ییز قوماندان مولوي ناصر چې په فارابي مشهور دی  له ۵۶ نورو طالب جنګیالیو سره یو ځای وژل شوی دی.
 


د مطلب کود: 178482

دمطلب پته :
https://www.avapress.com/ps/news/178482/په-فاریاب-ولایت-کې-د-طالبانو-پنځو-لوړپوړو-قوماندانانو-ګډون-دغې-ډلې-حکمې-رئیس-وژل-شوی

آوا
  https://www.avapress.com