خوښ ديک ۰

د قطر بهرنیو چارو وزارت ځانګړۍ استازی: هڅه کوو طالبان د افغان حکومت سره مخامخ خبرو ته کښینوو

دافغانستان د سولې عالي شورا له رئيس کریم خلیلی سره ، د قطر د بهرنیو چارو وزارت ځانګړي استازي مطلق القحطاني د یوې لیدنې په ترڅ کې ژمنه کړې چې دوی هڅه کوي ترڅو طالبان بین الافغاني مذاکراتو ته تیار کړي.
د قطر بهرنیو چارو وزارت ځانګړۍ استازی: هڅه کوو طالبان د افغان حکومت سره مخامخ خبرو ته کښینوو

د سولي عالي شورا مرستیال عطاالرحمن سلیم  رسنیو ته وویلي ، د قطر ډیپلوماټانو په کابل کې د دغې شورا له رئیس کریم خلیلي سره لیدنه کړې ، او ورسره یې ژمنه کړې، چې طالبان به له افغان حکومت سره مخامخ  بین افغاني خبرو ته تیار کړي .
طالبان د قطر هیواد په دوحه کې سیاسي دفتر لري چې تېره اوونۍ د افغان سولې په تړاو د طالب استازو او امریکایي پلاوي تر منځ شپږ ورځې مذاکرات پکې وشول.
د امریکا د بهرنیو چارو وزارت ځانګړي استازي زلمي خلیلزاد د دغو مذاکراتو له ختمیدو سره سم کابل ته راغی او له افغان حکومت سره یې د شوو مذاکراتو تازه جزئیات شریک کړل.
د افغان سولې په اړه د امریکا ځانګړی استازی زلمی خلیلزاد له دغو مذاکراتو خوښ ښکاري او د یو لړ پرمختګونو خبر یې ورکړی دی.
 
پنجشنبه ۱۱ دلو ۱۳۹۷ ساعت ۱۱:۰۵
د مطلب کود: 178914 په کلپبورډ کې د خبر متن کاپی
ستاسو نوم

ستاسو دبرېښنا ليک پته
ستاسو نظر *