خوښ ديک ۱

افغانستان د اروپایی کمېسیون له لوری تور لېست کې شامل شو

اروپايي کمېسيون افغانستان په تور لېست کې شامل کړ.
افغانستان د اروپایی کمېسیون له لوری تور لېست کې شامل شو

دغه کمېسيون وايي چې دا کار يې ځکه کړی چې افغان دولت له نشه يي موادو د لاس ته راغلو تورو پيسو سپينولو او د مالي فساد مخه نه ده نيولې.
اروپايي کمېسيون وايي، د افغان دولت دا کمزوري د دې سبب شوې چې د اروپايي اتحاديې مالي سېستم ته تاوان ورسېږي.
د اروپايي کمېسیون په خبرپاڼه کې راغلي چې د افغانستان په ګډون په دې لېست کې شاملو (۲۳) هېوادونو د تورو پیسو سپینولو په برخه کې جدي اقدامات نه دي کړي.
په خبرپاڼه کې دا هم راغلي چې د افغانستان د مالي نظام له لارې له نشه يي موادو او مالي فساده تر لاسه شوې پیسې د اروپايي اتحادیې مالي نظام ته ورګډې شوي دي.

د افغانستان بانک وايي چې د افغان دولت له خوا د پیسو سپینولو او ترورېزم د تمویل مخنیوی د دې لامل شو چې په (۲۰۱۷) میلادي کال کې د مالي اقداماتو نړیوالې ډلې د افغانستان نوم له خړ لېسته وويست.
د کورنیو چارو وزارت د معلوماتو پر اساس، یوازې په روان شمسي کال کې دوه لکه او (۶۰) زره امریکايي ډالر یې د افغانستان بانک ته لېږلې چې د نشه يي موادو په قاچاق کوونکو پورې یې اړه درلوده.
له نشه يي موادو سره د مبارزې عدلي او قضايي مرکز ویاند خالد موحد وايي، د دوی مرکز ته په روان کال کې د نشه يي موادو د معاملاتو څو دوسیې لېږل شوي او د څېړلو په حال کې دي.

د افغانستان بانک وايي چې له نشه يي موادو سره د مبارزې عدلي او قضايي مرکز په (۱۳۹۷) شمسي کال کې د داخلي بانکونو له لارې د پیسو سپینولو د اتو پېښو مخه نيولې ده.
که د اروپا پارلمان دا تور لېست تأیید کړي، نو په دې لېست کې پر شاملو هېوادونو به محدودیت زيات او مالي معاملات به يې په ځير سره څارل کېږي.
 
شنبی ۴ حوت ۱۳۹۷ ساعت ۱۵:۱۱
د مطلب کود: 180192 په کلپبورډ کې د خبر متن کاپی
ستاسو نوم

ستاسو دبرېښنا ليک پته
ستاسو نظر *