دخپریدو نیټه :پنجشنبه ۹ حوت ۱۳۹۷ ساعت ۲۰:۰۹
د مطلب کود : 180532
د بلخ په چهاربولک کې د محلي پولیسو او وسله‌والو ترمنځ جګړه شوې
د بلخ ولایت په چهاربولک ولسوالۍ کې تېره شپه د محلي پولیسو او وسله‌والو ترمنځ جګړه شوې ده.

د بلخ د پولیسو ویاند عادل‌شاه عادل نن ازادي راډیو ته وویل، وسله‌والو د شپې پر ۱۱ بجو د محلي پولیسو پر یوې پوستې برید وکړ چې په نتیجه کې يې د دواړو غاړو ترمنځ ۶ ساعته جګړه وشوه.
د عادل په خبره په‌دې جګړه کې د محلي پولیسو یو قوماندان وژل شوی او څلور سرتېري ژوبل شوي دي.
د پولیسو په وینا په‌دې نښته کې د یو وژل شوي طالب مړی د دوی لاسته ورغلی او یو شمېر نور ټپیان شوي دي.
وسله‌والو طالبانو تر اوسه پورې په‌دې اړه څه نه‌دي ویلي.
سرچينه : د صدای افغان خبری آژانس(آوا)
https://avapress.com/vdcex78zwjh8vni.r6bj.html
تبصره پوسټ کړئ
ستاسو نوم
ستاسو دبرېښنا ليک پته