خوښ ديک ۰

د فاریاب د ولسي پاڅونوالو قوماندان نظام الدین قیصاري ونیول شو

د فاریاب د ولسي پاڅونوالو قوماندان نظام الدین قیصاري له خپلو شلو ملګرړ سره نن د پروان د پولیسو له خوا ونیول شو.
د فاریاب د ولسي پاڅونوالو قوماندان نظام الدین قیصاري ونیول شو

د سالنګ ولسوالۍ امنیه قوماندان شاه محمود بهلول ته وویل، قیصاري او ملګرو یې نن سهار د جنوبي سالنګ په اولنګ سیمه کې هغه مهال چې پولیسو غوښتل دی ونیسي پر پولیسو ډزې وکړې، خو وروسته ونیول شو.
د بهلول په وینا په دې نښته کې چاته زیان نه‌دی اوښتی.
نظام الدین قیصاري په فاریاب کې د ولسمشر د لومړي مرستیال جنرال عبدالرشید دوستم استازی دی چې درې میاشتې مخکې د ملي امنیت د ځواکونو له‌خوا په کابل کې نظر بند شو.
نوموړی په‌دې شرط له بنده خوشې شو چې له کابله به نه وځي.
 
سرچينه : د صدای افغان خبری آژانس(آوا)
شنبی ۱۱ حوت ۱۳۹۷ ساعت ۱۲:۰۳
د مطلب کود: 180595 په کلپبورډ کې د خبر متن کاپی
ستاسو نوم

ستاسو دبرېښنا ليک پته
ستاسو نظر *