خوښ ديک ۰

هلمند چارواکې: وروستیو سېلابونو له امله لږترلږه اته کسان مړه شوي

د هلمند چارواکي وایي چې د وروستیو سېلابونو له امله لږترلږه اته کسان مړه او اته نور ټپیان دي او سلګونه کسان هم ژغورل شوي دي.
هلمند چارواکې: وروستیو سېلابونو له امله لږترلږه اته کسان مړه شوي

د هلمند د والي ویاند عمر ځواک رسنیو ته وویل چې د هلمند په ناوې او ګرمسیر ولسوالیو کې د سېلابونو له امله بند پاتې شوي سلګونه کسان ژغورل شوي او د نورو د ژغورلو لپاره هڅې روانې دي.
ده وویل:د ژغورنې ټیم ورته جوړ شوی، هغوی ساحو ته رسېدلي، دغه ټیم تر اوسه توانېدلی چې سلګونه کورنۍ او سلګونه کسان له هغه ځایه وژغوري او را ویې باسي، د ژغورنې هڅې اوس هم روانې دي، ترڅو په هغو ځایونه کې چې کسان ګیر پاتې دي، هغوی هم وژغورل شي، د ځمکې له لارې نه، بلکې د هوا له لارې یې د ژغورلو امکان شته او په دې کار روان دی.
ښاغلي ځواک دغه راز وویل چې وروستیو سېلابونو په هلمند کې زرګونو کورنیو ته مالي زیانونه رسولي دي.
یکشنبه ۱۲ حوت ۱۳۹۷ ساعت ۱۹:۳۱
د مطلب کود: 180700 په کلپبورډ کې د خبر متن کاپی
ستاسو نوم

ستاسو دبرېښنا ليک پته
ستاسو نظر *