د افغانستان د اسلامي جمهوریت جمهوررئیس محمداشرف غني نن ماښام په کابل کې استوګن د اروپايي ټولنې هېوادونو سفیرانو سره وکتل .
دخپریدو نیټه :دوشنبه ۱۳ حوت ۱۳۹۷ ساعت ۲۰:۳۲
د مطلب کود : 180767
په دې کتنه کې چې په دلګشا مانۍ کې وشوه، د ټاکنو پروسې، په ټاکنیزو کمېسیونونو کې د ترسره شویو اصلاحاتو، د افغانستان په محوریت د کابل پروسې د راتلونکي کنفرانس، سولې پروسې او د هېواد د ټولو اقشارو د استازو په مشارکت د سولې مشورتي لویې جرګې د جوړېدو په اړه بحث او خبرې وشوې.
جمهوررئیس غني ټینګار وکړ، د ټاکنو د شفافیت تامین د حکومت لومړیتوب دی او په دې برخه کې لازم اقدامات شوي دي. هغه زیاته کړه، د سولې له موافقتنامې وروسته د انکشافي برنامو په تطبیق کې د اروپایي ټولنې د غړو هېوادونو مشارکت د افغانستان لپاره ارزښتمن دی. دغه راز د اروپايي ټولنې غړو هېوادونو سفیرانو د ټاکنو او سولې پروسې په برخه کې د خپلو هېوادونو د همکاریو د چمتوالي ډاډ ورکړ او وې ویل، د سولې له موافقتنامې وروسته پر افغانستان جدي تمرکز کېږي.
سرچينه : د صدای افغان خبری آژانس(آوا)
avapress.com/vdcep78zfjh8vfi.r6bj.html
ټګونه
ډیری لیدل شوي
مربوطه لیکنې
[۱۳ اسد ۱۳۹۸] 
[۲۶ ثور ۱۳۹۸] 
[۲۶ ثور ۱۳۹۸] 
[۲۶ حوت ۱۳۹۷] 
[۱۳ جدی ۱۳۹۷] 
