خوښ ديک ۰

امریکا بهرنیو چارو وزارت: په دوحه کې افغانستان سولې خبرو کې پرمختګ شوي

د امریکا د بهرنیو چارو وزارت ویلي چې په دوحه کې د افغانستان د سولې په اړه په خبرو کې پرمختګ شوی دی.
امریکا بهرنیو چارو وزارت: په دوحه کې افغانستان سولې خبرو کې پرمختګ شوي

ویاند رابرټ پلادینو د مارچ په شپږمه، رویټرز خبري اژانس ته ویلي چې د سولې موافقې ته د رسېدو لپاره باید لا هم کار وشي.
د افغانستان د سولې لپاره د دې وزارت ځانګړی استازی، زلمی خلیل‌زاد د یوه پلاوي په مشري د طالبانو له استازو سره په خبرو لګیا دی.
خلیل‌زاد پرون پر ټوېټر ولیکل چې په دوحه کې یې د ازبکستان د بهرنیوچارو له وزیر سره د افغانستان پر وضعیت خبرې کړې دي.
خلیلزاد په یوه بل ټویټ کې لیکلي چې د افغانستان د سولې لپاره د سیمې د هېوادونو د ګډون هرکلی کوی.
د امریکا د بهرنیو چارو وزیر د دوشنبې په ورځ په ایوا ایالت کې یوې غونډې ته وویل چې په دوحه کې د خلیل‌زاد په مشرۍ روانې خبرې ډېرې پېچلې دي.
مایک پامپئو وویل، هیله لري چې په‌دې خبرو کې دومره پرمختګ وشي چې د لا پرمختیا لپاره یې دوحې ته سفر وکړي.
د امریکا حکومت وايي، له طالبانو سره په خبرو کې په داسې مواردو پسې ګرزي چې موافقه ورباندې کېدلای شي څو له هغه ځایه لوی پرمختګ ته لار جوړه شي.
 
چهارشنبه ۱۵ حوت ۱۳۹۷ ساعت ۲۰:۳۴
د مطلب کود: 180901 په کلپبورډ کې د خبر متن کاپی
ستاسو نوم

ستاسو دبرېښنا ليک پته
ستاسو نظر *