خوښ ديک ۰

رحیمي: د اوونۍ تر پایه به د پاکستان پر سر هند ته الوتنې پيل شي

د افغانستان د ملکي هوایي چلند اداره هیله‌منده ده چې د اوونۍ تر پایه به د پاکستان پر سر هند ته الوتنې بیا پيل شي.
رحیمي: د اوونۍ تر پایه به د پاکستان پر سر هند ته الوتنې پيل شي

له یوې اوونۍ راهیسې پاکستان پر خپله فضا هغو الوتکو ته اجازه نه ورکوي چې له افغانستانه هند ته او له هند څخه افغانستان ته سفر کوي.
د افغانستان د ملکي هوایي چلند د ادارې ویاند قاسم رحیمي ازادي راډیو ته وویل:
"د هوایي ترافیک د برخې د همکارانو د راپور له مخې تمه ده چې په یو دوو ورځو کې د افغانستان او هند ترمنځ الوتنې د پاکستان پر فضا د تېر په څېر بیا پیل شي."
د پاکستان فضا وروسته تر دې د الوتکو پرمخ بنده شوه چې تیره اونۍ هند د پاکستان تر واک لاندې کشمیر کې بمباري وکړه او بیا پاکستان د هند دوې الوتکې وویشتې.
د افغانستان د ملکي هوايي چلند ادارې په تیره یوه اونۍ کې هند ته د ایران له لارې پروازونه پيل کړي، خو دا لاره اوږده ده او د مسافرو لپاره یې لګښت د پاکستان تر لارې نژدې دوه برابره زیات دی.
 
سرچينه : د صدای افغان خبری آژانس(آوا)
پنجشنبه ۱۶ حوت ۱۳۹۷ ساعت ۰۹:۳۵
د مطلب کود: 180918 په کلپبورډ کې د خبر متن کاپی
ستاسو نوم

ستاسو دبرېښنا ليک پته
ستاسو نظر *