خوښ ديک ۰

ارګ هغه رپوټ ردوي چې ګواکې ملاعمر دننه افغانستان کې مړ شوی

افغان حکومت، هغه رپوټ چې ګواکې ملاعمر دننه په افغانستان کې مړ شوی بې بنسټه بولي او ردوي.
ارګ هغه رپوټ ردوي چې ګواکې ملاعمر دننه افغانستان کې مړ شوی

د ولسمشر ویاند هارون چخانسوري وايي چې د دغه رپوټ خپرول طالبانو او د هغوی بهرنیو ملاتړو ته د هویت ورکولو لپاره هڅه ده.
هغه زیاتوي چې افغان حکومت، بشپړ شواهد لري چې څرګندوي ملاعمر په پاکستان کې ژوند وکړ او همالته ومړ.
دا په داسې حال کې ده چې د «د ملاعمر پټ ژوند» تر نامه لاندې کتاب کې چې په دې وروستیو کې چاپ شوی ادعا شوې چې د طالبانو بنسټ اېښودونکی او د دغې ډلې پخوانی مشر ملا محمد عمر، افغانستان کې د یوې امریکايي پوځي اډې ته‎ نږدې ژوند کاوه.
دا کتاب د هالنډۍ لیکوالې «بټي ډم» لیکنه ده. هغه په دغه کتاب کې ادعا کړې چې د امریکا د تصور پر خلاف، ملاعمر هېڅکله په پاکستان کې پټ نه و، بلکې هغه په خپل اصلي ټاټوبي زابل کې د یوې امریکايي اډې په پنځه کیلومټرۍ کې ژوند کاوه.
مېرمن ډم چې یوه خبریاله ده د دغه کتاب د لیکو لپاره یې پنځه کاله یې د طالبانو د غړو په اړه څېړنه او مرکې کړې دي.
سرچينه : د صدای افغان خبری آژانس(آوا)
دوشنبه ۲۰ حوت ۱۳۹۷ ساعت ۱۶:۴۶
د مطلب کود: 181234 په کلپبورډ کې د خبر متن کاپی
ستاسو نوم

ستاسو دبرېښنا ليک پته
ستاسو نظر *