د افغانستان د ملي امنیت شورا سلا کار حمدالله محب، د امریکا د بهرنیو چارو وزارت ځانګړی استازی زلمی خلیلزاد په دې تورن کړی چې ګواکې د شخصي کټو په اساس یې افغان حکوت د سولې په روانو خبرو کې څنډې ته کړی دی.
دخپریدو نیټه :جمعه ۲۴ حوت ۱۳۹۷ ساعت ۱۶:۲۶
د مطلب کود : 181491
ښاغلي محب له امریکايي خبریالانو سره په یوه ناسته ادعا کړې، چې په افغانستان کې داسې انګېرنه ده، چې ښايي ښاغلی خلیلزاد د داسې یوې لنډمهالې ادارې د جوړولو په لټه کې دی، چې مشري به یې پخپله کوي.
د ښاغلي محب دغه بیساري څرګندونې پرون د واشنګټن له خوا سمدستي په کلکه رد شوې دي، واشنګټن دغسې څرګندونې د دواړو هېوادو اړیکو او د سولې بهیر ته زیان رسوونکې بللې دي.
د ښاغلي محب په وينا په خبرو کې ښکېل امريکايي مرکچيان دوى ته ډېر لږ مالومات ورکوي هغه زیاتوي هغسې چې باید د سولې په روانو خبرو کې روڼتیا وي اوس نه پکې لیدله کیږي.
په امریکا کې له خبریالانو سره، د افغانستان د ملي امنيت شورا سلاکار حمدالله محب دغه وروستۍ څرگندونې د دې مانا لري چې د سولې له روان بهیر څخه افغان حکومت پوره ناهیلی دی.
avapress.com/vdcjhvevvuqeoxz.b,fu.html
ټګونه
ډیری لیدل شوي
۲
مربوطه لیکنې
[۲۳ میزان ۱۳۹۷] 
[۱۱ عقرب ۱۳۹۷] 
[۱۸ حوت ۱۳۹۷] 
[۳۰ قوس ۱۳۹۷] 
[۲۰ حوت ۱۳۹۷] 
