خوښ ديک ۰

د سولې په اړه له سیاسي مشرانو سره د ولسمشر غني سلامشورې

افغان ولسمشر محمداشرف غني نن له غرمې مخکې(شنبې د وري په ۱۰ مه) د هېواد له یو شمېر سیاسي مشرانو سره د سولې بهیر د متحد دریځ په اړه ولیدل.
د سولې په اړه له سیاسي مشرانو سره د ولسمشر غني سلامشورې

ښاغلي غني نن په ارګ کې له پخواني ولسمشر حامد کرزي، د هېواد جهادي شخصیت استاد عبدرب الرسول سیاف، د  ولسمشر دویم مرستیال سرور دانش، اجراییه رییس ډاکټر عبدالله عبدالله او د سولې عالي شورا رییس محمد کریم خلیلي سره په دې منظور وکتل.
په دې لیدنه کې نوموړو شخصیتونو د سولې په بهیر کې د جریانونو، طبقو او نویو واقعیتونو څخه د غوره استازیتوب په موخه خپلې مشورې وړاندې کړې. 
ښاغلی غني وايي چې د سولې بهیر په اړه یوه متحده دریځ ته د رسېدو لپاره، له نورو سیاستوالو او د ټولنې د بېلابېلو طبقو له استازو سره به مشورو ته دوام ورکړي.
دا مشورې د دې په پار وې چې سولې ته د رسېدو لپاره پرله‎پسې هڅې د خبرو اترو په بهیر پر واحد دریځ بدلې شي.
 
سرچينه : د صدای افغان خبری آژانس(آوا)
شنبی ۱۰ حمل ۱۳۹۸ ساعت ۱۴:۱۶
د مطلب کود: 182335 په کلپبورډ کې د خبر متن کاپی
ستاسو نوم

ستاسو دبرېښنا ليک پته
ستاسو نظر *