خوښ ديک ۰

له سېلاو ځپلو سره د مرستې لپاره د مسوولو بنسټونو فوق‎العاده غونډه

هېواد کې له سېلاو ځپلو سره د مرستې لپاره په اجراییه ریاست کې د مسوولو بنسټونونو فوق‎العاده غونډه ترسره شوه.
له سېلاو ځپلو سره د مرستې لپاره د مسوولو بنسټونو فوق‎العاده غونډه

د دغو بنسټونو د رپوټ پر بنسټ، د هېواد په ۲۳ ولایتونو کې د وروستیو سېلاوونو له امله ۳۲ تنه وژل شوي او ۱۲ تنه نور نادرکه او ۲۹ تنه هم ټپيان شوي دي. په رپوټ کې راغلي دي چې ۱۸۶۰ کوره په بشپړه او ۱۱ زره او ۸۱ کورونه قسماً ویجاړ شوي دي.
د اجراییه ریاست د رسنیو دفتر په خبرپاڼه کې ویلي چې د مسوولو ادارو د رپوټ پر بنسټ ۲۳ ولایتونو کې سېلاوونه راغلي چې په ۱۳ ولایتونو کې یې مالي او ځاني زیانونه لرلي دي.
فاریاب، هرات، بادغیس، جوزجان او بلخ د هغو ولایتونو له ډلې دي چې د سېلاوونو له امله یې ډېر مالي او ځاني زیانونه لرلي دي.
اجراییه رییس مسوولو بنسټونو ته له هغې ډلې له طبعي پېښو سره د مبارزې، عامې روغتیا، د کلیو پراختیا، کرنې او اوبو لګولو، وزیرانو او د سیمه‎ییزو ارګانونو خپلواکې ادارې رییس ته حکم کړی څو په بیړنۍ توګه له سېلاو ځپلو سره مرستې وکړي.
 
سرچينه : د صدای افغان خبری آژانس(آوا)
شنبی ۱۰ حمل ۱۳۹۸ ساعت ۱۷:۰۸
د مطلب کود: 182355 په کلپبورډ کې د خبر متن کاپی
ستاسو نوم

ستاسو دبرېښنا ليک پته
ستاسو نظر *