د افغانستان د کورنیو چارو وزارت وایي، تېره شپه په هملند ولایت کې د پولیسو د ځانګړې قطعې سرتیرو د ځانمرګو بریدونو ۷ پلان جوړوونکي وژلي دي، د بمونو ډک یو موټر یې شنډ کړی او زیاته اندازه جنګي مهمات‌یې هم ترلاسه کړي دي.

د کورنیو چارو زورات د خبر پاڼې له مخې دغه د ځانمرګو بریدونو پلانونکي یې تېره شپه د نهرسراج ولسوالۍ په شورکي سیمه کې د انتحاري برید کوونکو د روزنې په یوه مرکز د برید په پایله کې له منځه وړي دي.
خبر پاڼه زیاتوي چې د انتحاري بریدونو د دغو ۷ پلان جوړونکو په وژنې سربېره افغان پوځیانو له بمونو ډک یو موټر هم شنډ کړی او زیاته اندازه جنګي مهمات‌یې هم ترلاسه کړي.
وسله‌والو طالبانو د کورنیو چارو وزارت د دې اعلامیې او ادعا په اړه کوم غبرګون نه‌دی ښودلی.