خوښ ديک ۰

خوست کې ۲ ځانمرګي هدف ته تر رسېدو مخکې وویشتل شول

د خوست د ملي امنیت ریاست د رسنیز دفتر مسؤلین وايي چې سرتېرو يې تېر ماسختن د ښار د طویشې پُل په سیمه کې دوه تنه ځانمرګي بریدګر مخکې له هغې چې هدف ته ورسېږي، له‌ منځه یووړل.
خوست کې ۲ ځانمرګي هدف ته تر رسېدو مخکې وویشتل شول


مسؤلینو نن د دوشنبې ورځې سهار مهال رسنیو ته وویل چې ملي امنیت له مخکې د یادو ځانمرګو په اړه کشفي مالومات درلودل او نږدې ټوله ورځ د هغوی په لټون پسې عملیات روان وو چې بالاخره تېر ماسختن يې په موندلو بریالي شول.

د سرچینې د مالوماتو له مخې امنیتي ادارو هڅه وکړه چې بریدګر ژوندي ونیسي، خو هغوی د تيښتې هڅه کوله او سرتیرو پرې د لېرې ډزې وکړې چې په هغې سره يې چاودیدونکو توکو چاودنه وکړه او دواړه ځانمرګي ووژل شول.

مسؤلینو وویل چې ځانمرګو بریدګرو غوښتل چې د یاد ولایتي دولتي ادارې تر برید لاندې راولي.

د دوی په وینا چې د ځانمرګو د چاودنې په مخکې چاته زیان نه‌ دی رسیدلی.

د سرچینې د مالوماتو له مخې د یو بریدګر پيژندګلوې شوې چې د پکتیکا د نکې ولسوالۍ اوسیدونکی وو، خو دوهم جسد له‌ منځه تللی او تر اوسه يې پېژندګلوي نه ده شوې.

په‌ دې اړه نورو ډلو او سرچینو څه نه دي ویلي.
دوشنبه ۲۶ حمل ۱۳۹۸ ساعت ۱۶:۲۷
د مطلب کود: 183361 په کلپبورډ کې د خبر متن کاپی
ستاسو نوم

ستاسو دبرېښنا ليک پته
ستاسو نظر *