خوښ ديک ۰

د شمالي کوریا رهبر کېم جونګ اون روسیه ته سفر کوی

کرملېن اعلان کړى چې د شمالي کوريا رهبر کېم جونګ اون په پلان کې لري چې په راروانو ١٢ ورځو کې روسيې ته سفر وکړي.
د شمالي کوریا رهبر کېم جونګ اون روسیه ته سفر کوی

کرملېن په هغه لنډکۍ اعلاميه کې چې نن‌يې په خپل وېب‌سايټ کې خپره کړې ويلي، کېم ته د ولسمشر ولادیمير پوتين له‌خوا بلنه ورکړل شوه او دى به په راروانو ١٢ ورځو کې روسيې ته لاړ شي.
په عين حال کې د روسيې ولسمشر ولادیمير پوتين په پام کې لري چې راروانه اوونۍ چين ته سفر وکړي.
دى به روانه جمعه او شنبه د «يوه کمربند، يوې لارې» په نوم غونډه کې برخه واخلي.
په‌دغه غونډه کې د لسګونه هېوادونو حکومتي مشران برخه اخلي چې په نړۍ کې د سړکونو او تجارتي لارو د جوړولو پر لارو چارو بحث وکړي.
ځينو رسنيو داسې ګنګوسې خپرې کړي چې پوتين ښايي له کېم سره په ولادي وستوک کې چې د شمالي کوريا سرحد ته څېرمه پروت بندري ښار دى، وګوري.
کرملېن دغه اعلان په‌داسې حال کې کوي چې د امريکا د ولسمشر ډونالد ټرمپ اداره پر يوه موافقه د سلا کېدو هڅه کوي چې په مرسته‌يې په کوريا ټاپو وزمه کې د اټمي وسلو پر سر ولاړ شوى کړکېچ ختم شي.
پنجشنبه ۲۹ حمل ۱۳۹۸ ساعت ۲۱:۲۹
د مطلب کود: 183614 په کلپبورډ کې د خبر متن کاپی
ستاسو نوم

ستاسو دبرېښنا ليک پته
ستاسو نظر *