په افغانستان کې د ناټو ملکي استازی: طالبان د سولې بین الافغاني خبرو ته چمتو دي

د ناټو هېوادونو دغو ملکي استازي پرون سه شنبه د ثور میاشتې په ۱۷ مه ویلي چې سوله د هر افغان غوښتنه ده، اوس د جګړې ښکېلې غاړي دې ته چمتو شوې چې د سولې خبرو ته سره کښیني.
نوموړي ویلي چې د افغانستان د سولې او ثبات په اړه هم په افغانستان کې د ننه او هم په نړیواله او سیمه ییزه کچه توافقات رامنځته شوي دي او د افغانستان ګاونډیان هم په دغو هېواد کې د امنیت او اقتصادي ودې  لپاره له طالبانو سره د افغان دولت د سولې د خبرو ملاتړ کوي.
دا په داسي حال کې دی چې اوس مهال په قطر کې د امریکا او طالبانو ترمنځ د شپږم پړاو خبرې د څومې ورځې لپاره رواني دي، د دغو خبرو د پرېکړو او پرمختګونو په اړه په رسمي توګه تر دې دمه له رسنیو سره څه نه دي شریک شوي.
خو د اجنډا په اړه یې را پورونه خپاره شوي چې، دغلته په افغانستان کې د امریکايي پوځیانو پر حضور، د تروریزم سره پر مبارزه او د بین‌الافغاني خبرو په پيل بحث دوام لري.