خوښ ديک ۰

صحرا کریمي لومړنۍ ښځه ده چې دافغان فلم شرکت د رئیسې په توګه ټاکل کېږي

د افغانستان د اداري اصلاحاتو کمیسیون وایي صحرا کریمي د افغان فلم ادارې د مشرې په توګه ټاکل شوې ده.
صحرا کریمي لومړنۍ ښځه ده چې دافغان فلم شرکت د رئیسې په توګه ټاکل کېږي

د افغانستان د اداري اصلاحاتو کمېسیون مشر نادر نادري پر خپله ټویټر پاڼه لیکلي چې  افغان فلم په افغانستان کې د فلم جوړولو تر ټولو زوړ دولتي شرکت دی چې د رڼه بهیر او زادې سیالۍ  له لارې یې اوس مشره یوه ښځه ټاکل شوې ده.
افغان فلم د افغانستان د فلم جوړولو تر ټولو پخوانی دولتي شرکت  دی چې په ۱۳۴۷ کال جوړ شوی دی.
افغان فلم نوي ګمارل شوې ښځینه مشره صحرا کرمي خپله هم فلم جوړونکې ده، دغه مېرمن په ایران کې زیږېدلې او په فلم جوړولو کې د ډاکټرۍ تر کچې زده کړې لري.
په دې وروستیو کې د افغان فلم ارشیف ولسمشرۍ ماڼۍ ته لیږدول شوی دی چې د فرهګیانو او فلم جوړونکو لخوا پرې ډېرې نیوکې هم وشوې.
د دغو نیکو په ځواب کې ارګ هغه وخت ویلي وو چې د افغان فلم ارشیف پخوانی ځای خوندي نه وو، دغه ارشیف یې د ښې خوندینې لپاره هلته وړی دی.
د افغان فلم ډېر بډایه ارشیف لری چې ګڼ مستند فلمونه پکې دي، د راپورونو له مخې په دغو ارشیف کې د ۹۰ لسیزې د کورنیو جګړو ډېر مهم مواد شته چې د طالبانو د واکمنۍ پر مهال هم له ورکاوي او لمنځه تللو ژغورل شوي دي.
 
سرچينه : د صدای افغان خبری آژانس(آوا)
پنجشنبه ۲۶ ثور ۱۳۹۸ ساعت ۱۲:۱۷
د مطلب کود: 185173 په کلپبورډ کې د خبر متن کاپی
ستاسو نوم

ستاسو دبرېښنا ليک پته
ستاسو نظر *