خوښ ديک ۰

د هرات په اوبه ولسوالۍ کې یوې چاودنې درې کسان وژلي

د هرات ولایت د اوبه ولسوالۍ په بازار کې نن سهار یوې چاودنې د دوو ماشومانو په شمول درې کسان وژلي او شل نور یې ټپیان کړي دي.
د هرات په اوبه ولسوالۍ کې یوې چاودنې درې کسان وژلي

چارواکي وایي، په ټپیانو کې د اوبه ولسوال رحم الدین سرورزی او لس ماشومان شامل دي.
د دې ولسوالۍ امنیه قوماندان محمد رفیق الکوزي ازادي راډیو ته وویل، چاودېدونکي موادو په یوه موټرسایکل کې ځای پر ځای شوي وو.
الکوزي زیاته کړه:
"هغه وخت چې د اوبه ولسوال له کوره دفتر ته روان و، د سرکوچه په سیمه کې د ولسوال د موټر د رسېدو پر مهال موټرسایکل کې ايښودل شوي چاودېدونکي مواد وچول شول."
د دې چاودنې مسؤلیت تر اوسه پورې چا پر غاړه نه دی اخیستی، خو ډېر کله وسله وال طالبان پر حکومتي چارواکو دا ډول بریدونه کوي.
د اوبه ولسوالي د هرات د مرکز په نږدې شل کیلومترۍ کې پرته او د دې ولایت یوه له نا امنو ولسوالیو څخه ده.
سرچينه : د صدای افغان خبری آژانس(آوا)
شنبی ۲۸ ثور ۱۳۹۸ ساعت ۱۵:۳۳
د مطلب کود: 185289 په کلپبورډ کې د خبر متن کاپی
ستاسو نوم

ستاسو دبرېښنا ليک پته
ستاسو نظر *