د افغانستان ملي دفاع وزارت وایي، غزني کې د دوو هوایي حملو او توپچي بریدونو په پایله کې ۱۲ طالب ترهګر وژل شوي او ۷ تنه نور ټپیان شوي دي.

د ملي دفاع وزارت د خبر پاڼې په حواله، د افغان ځانګړو ځواکونو له لوري دوه هوایي حملې د غزني ولایت په ده یک ولسوالۍ تره سره شوې چې په پایله کې یې د مبارز د ګروپ د دوو ډلګۍ مشرانو په ګډون ۱۲ وسله وال ترهګر وژل شوي دي. په وژل شوو کې د ریحان او حکیم په نومونو د دغې ډلې دوه ډلګۍ مشران وژل شوي دي.
خبر پاڼه زیاتوي :” د ملي اردو ځواکونو د توپچي بریدونو په ترڅ کې د غزني ولایت اندړو ولسوالۍ په ګولایي نظرخان سیمه کې ٤ تنه نور طالب ترهګر وژل شوي او ٧ تنه ټپیان شوي دي”.