خوښ ديک ۰

کندهار ښار کې د افغان پولیسو درې غلچکي بریدکوونکي ووژل

افغان پولیسو تېره شپه د کندهار ښار په بېلابېلو حوزو کې درې غلچکي بریدکوونکي ووژل.
کندهار ښار کې د افغان پولیسو درې غلچکي بریدکوونکي ووژل

د کندهار د پوليسو ویاند جمال ناصر بارکزي په دی اړه رسنیو ته وويل:
"لومړی دوه تنه بريدکوونکي د کندهار په لسمه امنیتي حوزه کې د پوليسو پر ګزمې برید وکړ، خو د پولیسو د مقاومت په نتیجه کې یو برید کوونکی ووژل شو او دوهم وتښتېد، خو دوهم بریدګر بيا په دولسمې امنیتي حوزې کې د امنیتي ځواکونو له‌خوا محاصره او وویشتل شو. درېیمه پېښه په لومړی امنیتي حوزې کې وشوه."
ښاغلي بارکزي وویل، درېیم بريدکوونکي هم داسې مهال ووژل شو چې د پوليسو پر تلاشۍ یې د بريد هڅه وکړه.
د پوليس ویاند وویل، په‌دغو بریدونو کې پولیسو ته زیان نه‌دی رسېدلی.
د طالبانو ویاند قاري يوسف احمدي بيا وژل شوي کسان طالبان نه، بلکې ملکيان بللي.
دوشنبه ۳۰ ثور ۱۳۹۸ ساعت ۱۸:۲۷
د مطلب کود: 185446 په کلپبورډ کې د خبر متن کاپی
ستاسو نوم

ستاسو دبرېښنا ليک پته
ستاسو نظر *