قره باغ کې (۲۴) تنه وسله وال طالبان ووژل شول

د صدای افغان خبری آژانس(آوا) , 11 جوزا 1398 ساعت 10:26

د غزني ولایت د قره باغ ولسوالۍ اړوند په عبدالله ګل او لیونۍ بازار سیمو کې بیګاه شپه د افغان امنیتي او ائتلاف هوایې ځواکونو لخوا (۲۴) تنه وسله وال طالبان وژل شوي


وسله والو طالبانو بیګا شپه پلان درلود څو د قره باغ ولسوالۍ اړوند په عبدالله ګل او لیونۍ بازار سیمو کې د سیمه ایزو پولیسو پر پوستو بریدونه ترسره کړي، چې د اپراتیفي معلوماتو پر بنسټ امنیتي ځواکونو مخکي له مخکي په څو سیمو کې کمینونه پر لاره واچول.
یادو سیمو ته د شپي شاوخوا (۲:۰۰) بجي د طالبانو له راتګ سره سم وسله وال د ځمکنیو افغان ځواکونو او د هوا له لاري د ائتلاف ځواکونو لخوا تر بریدونو لاندي راغلل، چې په ترڅ کې یې (۲۴) تنه وسله وال طالبان وژل شوي چې د یو شمیر کړي یې له وسلو سره یوځای د جګړي په ډګر کې پاتي او د امنیتي ځواکونو لاسته ورغلي دي. په وژل شویو طالبانو کې بهرني اتباع هم شامل دي خو کره شمیره یې تر اوسه په لاس کې نشته.
 


د مطلب کود: 186093

دمطلب پته: https://www.avapress.com/ps/news/186093/قره-باغ-کې-۲۴-تنه-وسله-وال-طالبان-ووژل-شول

آوا
  https://www.avapress.com