کد QR مطلبدریافت صفحه با کد QR

خلیلزاد له عمران خان سره د غني له لیدو هرکلی وکړ

د صدای افغان خبری آژانس(آوا) , 11 جوزا 1398 ساعت 15:21

د افغان سولې لپاره د امریکا ځانګړی استازی زلمی خلیلزاد، د پاکستان له لومړي وزیر عمران خان سره د افغان ولسمشر اشرف غني لخ لیدنې هر کلی وکړ او څرګنده یې کړه چې د افغانستان او پاکستان ترمنځ د اړیکو پیاوړتیا په دغو دوو هېوادونو کې د سولې او ټیکاو له ټینګښت سره مرسته کوي.


ولسمشر غني چې د اسلامي هېوادونو د همکاریو سازمان غونډې کې د ګډون لپاره سعودي عربستان ته تللی، تېره ورځ (جمعه د غبرګولي په ۱۰ مه) د دغې ناستې په څنډه کې له عمران خان سره ولیدل او د دوه اړخیزو اړیکو او د سولې د هڅو په اړه خبرې وکړې.
خلیلزاد په خپل ټوېټر پاڼه لیکلي چې امریکا د افغان سولې له هڅو ملاتړ کوي او په دې لړ کې همکارۍ ته چمتو دی.
د پاکستان د لومړي وزیر د رسنیو دفتر وايي چې عمران خان له افغان ولسمشر اشرف غني سره په لیدنه کې، ویلي چې اسلام اباد د کابل د سولې له هڅو ملاتړ کوي.
د پاکستان لومړي وزیر، هیله څرګنده کړه چې پاکستان ته د غني د احتمالي سفر په لړ کې دواړه لوري د افغانستان او پاکستان د دوه اړخیزو اړیکو او همدارنګه اقتصادي، امنیتي او سولې همکاریو په اړه خبرې اترې وکړي.
 


د مطلب کود: 186111

دمطلب پته :
https://www.avapress.com/ps/news/186111/خلیلزاد-له-عمران-خان-سره-د-غني-لیدو-هرکلی-وکړ

آوا
  https://www.avapress.com