کد QR مطلبدریافت صفحه با کد QR

ناټو له افغان ځواکونو سره هرکال ۵ میلیارد ډالر مرسته کوي

د صدای افغان خبری آژانس(آوا) , 19 جوزا 1398 ساعت 14:08

د افغانستان د مالیې وزارت وايي، چې ناټو تر ۲۰۲۴ کاله پورې هرکال له افغان ځواکونو سره د ۵ میلیارډ ډالرو مرستې ژمنه کړې ده.



د افغانستان د مالیې وزارت ویاند شمروز خان مسجدي د یکشنبې په ورځ (غبرګولي ۱۹) امریکا غږ ته وویل، ناټو له دې مخکې هم له افغان ځواکونو سره هرکال له ۲.۵ څخه تر ۵ میلیارډ ډالرو پورې مرسته کوله او دا لړۍ به تر راتلونکو نورو پنځو کلونو پورې دوام وکړي.
هغه زیاته کړه: "دا په مختلفو برخو کې لګېږي، یوه برخه یې د امنیتي ځواکونو معاشونو ته ځانګړې شوې ده او بله برخه یې مهمات او تجهیزاتو باندې لګول کیږي".
دا پرېکړه د ناټو غړو هیوادونو تیره اونۍ په بروکسل کې کړې ده.
د مالیې وزارت ویاند دغه راز وویل، افغان دولت د ناټو له چارواکو سره ژمنه کړې چې د امکان په صورت کې به د افغان نظامیانو د مصارفو کچه راټیټه کړي او د افغانستان حکومت به هم د دغو ځواکونو په تمویلولو کې ونډه واخلي.
ښاغلي مسجدي وویل:"زموږ دا ونډه باید له یو کال څخه بل کال ته زیاته شي، تر هغه وخته چې د ناټو ژمنې له موږ سره شته، موږ یو داسې پړاو ته ورسیږو چې خپل ځواکونه په‌خپله تمویل کړو".
د ناټو چارواکو ویلي، چې له افغان ځواکونو سره د دغه سازمان مالي مرستې، په افغانستان کې د سولې له ټينګېدو سره مرسته کولی شي
 


د مطلب کود: 186409

دمطلب پته :
https://www.avapress.com/ps/news/186409/ناټو-له-افغان-ځواکونو-سره-هرکال-۵-میلیارد-ډالر-مرسته-کوي

آوا
  https://www.avapress.com