خوښ ديک ۰

غزني ښار کې د نیږدي(۱۹) ملیونه افغانیو په ارزښت د یوه پله د رغولو چاري پیل شوي

د غزني ښار اړوند په دریم پلان کې د نیږدي (۱۹) ملیونه افغانیو په ارزښت د یوه مهم پله د رغولو چاري پیل شوي چې په رغیدو سره به یې د غزني ښار له جنوبي سیمو او کلیو سره وصل شي
غزني ښار کې د نیږدي(۱۹) ملیونه افغانیو په ارزښت د یوه پله د رغولو چاري پیل شوي

د غزني والي وحیدالله«کلیمزي» د یاد پله د بنسټ ډبري د ایښودلو پر مهال وویل، چې په رغیدو سره به یې د غزني ښار اړوند د دریم پلان څلویښت متره سړک د ثقافت له سړک سره وصل او پر مټ به یې ولسونه وکولای شي د کمي فاصلي په تیرولو سره له ښار څخه ښار ته څیرمه جنوبي سیمو او کلیو ته تګ راتګ وکړي. د هغه په وینا یاد پل (۷۵) متره اوږدوالی او (۱۲) متره سور لري چې له ټولو ملحقاتو سره به یې په پاخه او اساسي توګه ورغول شي چې پر رغولو یې اتلس ملیونه، اته سوه نهه زره(۱۸،۸۰۹،۰۰۰) افغانۍ لګښت راځي چې د ښاروالۍ له پراختیایې بودجي څخه رغول کیږي
 
سرچينه : د صدای افغان خبری آژانس(آوا)
دوشنبه ۲۰ جوزا ۱۳۹۸ ساعت ۱۴:۵۹
د مطلب کود: 186473 په کلپبورډ کې د خبر متن کاپی
ستاسو نوم

ستاسو دبرېښنا ليک پته
ستاسو نظر *