خوښ ديک ۰

د امریکا سفیر د یو شمېر طالب بندیانو د خوشې کېدو ستاینه کړې

په کابل کې د امریکا سفیر جان بس د افغانستان د حکومت له لوري د طالبانو د یو شمېر بندیانو د خوشې کېدو ستاینه کړې او ویلي یې دي چې حکومت د جوړ جاړي لپاره د سیاسي فضا د برابرولو هڅې کوي.
د امریکا سفیر د یو شمېر طالب بندیانو د خوشې کېدو ستاینه کړې

جان بس نن د جون په ۱۱مه پر ټوېټر لیکلي چې دایمي سوله له ټولو خواوو عفوې ته اړتیا لري.
خو د جان بس په لیکنه، د طالبانو له زندانونو بندیان نه خوشې کېږي، بلکې د افغانستان امنیتي ځواکونه یې په پوځي عملیاتو کې خوشې کوي.
د امریکا سفیر د افغانستان امنیتي ځواکونه ستایلي چې په وروستیو کې یې سلګونه افغانان له زندانونو ازاد کړي دي.
وسله‌والو طالبانو نن په یوه بیان کې ویلي چې د افغانستان د حکومت له لوري د زندانیانو په ۸۸۷ کسیز لېست کې چې خوشې کېږي، یوازې ۲۶۱ تنه د دوی زندانیان دي.
 
سرچينه : ازادی رادیو
سی شنبه ۲۱ جوزا ۱۳۹۸ ساعت ۱۸:۳۸
د مطلب کود: 186573 په کلپبورډ کې د خبر متن کاپی
ستاسو نوم

ستاسو دبرېښنا ليک پته
ستاسو نظر *