خوښ ديک ۰

امریکا په افغانستان کې په جګړه او سوله همهاله ټینګار کوي

امریکا په افغانستان کې په جګړه او سوله همهاله ټینګار تر څو وسله وال طالبان دې ته اړ شي چې خپلې وسلې پر ځمکه کیږدي او د سولې خبرو اترو ته غاړه کېږدي.
امریکا په افغانستان کې په جګړه او سوله همهاله ټینګار کوي

د امریکا د بهرنیو چارو وزارت ویاندې مورګان اورتاګوس پرون په واشنګټن کې د یوې خبري ناستې پر مهال وویل، د امریکا د بهرنیو چارو وزارت ځانګړی استازی زلمی خلیلزاد به د سولې خبرو اترو په اووم پړاو کې پر څلورو موضوعاتو د بهرنیو ځواکونو د وتلو، د نړیوالو ترهګرو سره د طالبانو د اړیکو پر پرېکون ، بین افغاني خبرو او په روانه جګړه کې د تلفاتو د کچې د راکمولو په اړه له طالبانو سره خبرې وکړي.
مورګان اورتاګوس وویل، امریکا د غوڅ ماموریت ملاتړ د مشر جنرال سکاټ میلر د خبرو په تایید په افغانستان کې پر جګړه او خبرو همهاله ټینګار کوي.
دا په داسې حال کې دي چې، زلمی خلیلزاد له تېرو څلورو ورځو راهیسې په افغانستان کې د سیاسي څېرو سره پر لیدنو بوخت دی.
تمه کیږي زلمی خلیل زاد به په نږدې راتلونکې کې په دوحه کې له طالب استازو بیا ځلې خبرې پیل کړي.
همدارنګهپه افغانستان کې د ناټو د غوڅ ماموریت ملاتړ قومندان سکاټ میلر وایي،تر هغې چې په ټول افغانستان کې سوله او امنیت نه وي تامین شوی؛ بهرني ځواکونه به لدې هېواده بهر نه شي.
سکاټ میلر وویل، د افغانستان ټول وګړي د سولې غوښتونکي دي او غواړي چې بهرني ځواکونه له دې هېواده بهر شي،خو دا کار هغه وخت شونی دی چې کله په افغانستان کې سوله او امن راشي.
 
چهارشنبه ۲۲ جوزا ۱۳۹۸ ساعت ۱۵:۳۰
د مطلب کود: 186607 په کلپبورډ کې د خبر متن کاپی
ستاسو نوم

ستاسو دبرېښنا ليک پته
ستاسو نظر *