خوښ ديک ۰

حیات الله حیات: محلی اردو کلیوالی سیمو امنیت کې دی کليدی رول ولوبوی

کندهار والی وایی چی محلی اردو کولای شی چی کلیوالی سیمو امنیت کې کلیدی رول ولوبوی.
حیات الله حیات: محلی اردو کلیوالی سیمو امنیت کې دی کليدی رول ولوبوی

والی حیات الله حیات دغه څرګندونی په ژړۍ ولسوالۍ کی د محلی اردو د تقویې په جوړ سوی پروګرام کی وکړې.
په دغه پروګرام کی د کندهار والی ترڅنګ د دوه سوه پنځم اتل قول اردو قوماندان تورنجنرال امام نظر بهبود، کندهار امنیه قوماندان جنرال تادین خان، د ولایتی شورا غړو، په جنوب کی د قاطع ماموریت قوماندان جنرال براون، د ژړۍ، پنجوایی او میوند ولسوالیو ولسوالانو او امنیه قوماندانانو، قومی مشرانو او ځوانانو برخه اخیستې وه.
په غونډه کی د محلی اردو پر ارزښت او د دغه بهیر پر قوی کېدو لازم بحث او ویناوی وسوې.
د پروګرام په پیل کی د دوه سوه پنځم اتل قول اردو قوماندان تورنجنرال امام نظر بهبود وویل په کندهار کی د محلی اردو دوې ټولۍ جوړیږی، چی یوه ئې په ژړۍ او بله هم په پنجوایی ولسوالۍ کی ده، چی ټول پرسونل به ئې د سیمی اوسېدونکی وی.
کندهاروالی حیات الله حیات وایی که څه هم د ژړۍ او پنجوایی ولسوالیو امنیت د سیمی د مشرانو په همکاری تامین دی خو د محلی اردو په جوړېدو به دغه امنیت لا هم مضبوطه سی.

ښاغلی حیات وایی محلی اردو به د ملی اردو په شان منظمه وی، یوه رهبری به ولری او په مجهزو وسلو به سمبال وی.
هغه د سیمی له مشرانو وغوښتل، چی خپل اولادونه په دغه لیکو کی شامل کړی.
 
جمعه ۲۴ جوزا ۱۳۹۸ ساعت ۱۰:۱۴
د مطلب کود: 186685 په کلپبورډ کې د خبر متن کاپی
ستاسو نوم

ستاسو دبرېښنا ليک پته
ستاسو نظر *